Strategik islohotlar agentligi tomonidan Tungi iqtisodiyotni rivojlantirish konsepsiyasi loyihasi tayyorlandi. Loyiha maqsadi tungi vaqtda iqtisodiy faollikni oshirish, yangi ish o‘rinlarini yaratish va turistlarni jalb qilishdan iborat.
Hujjatda 24 soat ishlovchi gastronomik zonalar, tungi bozorlar, madaniy va ko‘ngilochar tadbirlarni rivojlantirishga alohida e’tibor qaratilgan. Shuningdek, biznes faoliyatini yengillashtirish maqsadida soliq va mehnat siyosatini qayta ko‘rib chiqish taklif etilmoqda.
Transport infratuzilmasini rivojlantirish, infratuzilmani yaxshilash va zamonaviy texnologiyalarni, jumladan, “karshering” va “aqlli” yoritish tizimlarini joriy etishga ham alohida urg‘u berilmoqda. Shuningdek, “Tungi shahar” raqamli platformasini ishga tushirish rejalashtirilgan bo‘lib, unda 24 soat ishlovchi xizmatlar va tadbirlar haqida ma’lumot taqdim etiladi.
Hujjatning to‘liq matni ilovada taqdim etiladi. Концепция