Sog‘lom turmush tarzini qo‘llab-quvvatlash bo‘yicha keng ko‘lamli axborot kampaniyasi yo‘lga qo‘yiladi

Strategik islohotlar agentligi huzuridagi Delivery Unit guruhida Sog‘lom turmush tarzini shakllantirish Milliy strategiyasi va aholi o‘rtasida sog‘lom turmush tarzini targ‘ib qilish bo‘yicha axborot kampaniyasi loyihasi muhokamasiga bag‘ishlangan davra suhbati bo‘lib o‘tdi. Tadbirda vazirlik va idoralar vakillari, soha mutaxassislari, turli sport hamjamiyatlari vakillari va faollar ishtirok etdi.

Sog‘lom turmush tarzini shakllantirish Milliy strategiyasi Delivery Unit guruhi faoliyatining asosiy yo‘nalishlaridan biri bo‘lib, fuqarolik jamiyati va xususiy sektor bilan hamkorlikda ishlab chiqilmoqda.

Davra suhbatida Milliy strategiyaning turli jihatlari va axborot materiallari, shu bilan birga Delivery Unit guruhining mavzuga oid takliflari taqdimoti tinglandi. Yig‘ilishda ta’kidlanganidek, strategiya xalqaro tajribaga ko‘ra bir qator muhim tarkibiy qismlarni o‘z ichiga olishi lozim:

1. OAV va kino orqali shakar, tuz, yog‘lar iste’molini kamaytirish, tamaki mahsulotlari va spirtli ichimliklardan voz kechish hamda jismoniy faollikni oshirish targ‘iboti.
2. Aholining jismoniy faollik ahamiyatiga doir ma’lumotlardan xabardorligini oshirish, shu jumladan kuniga 10 ming qadam yurish tavsiyasi.
3. Yodlangan tuzdan foydalanish haqida ma’lumot berish.
4. Oziq-ovqat mahsulotlari xavfsizligini ta’minlash choralarini ko’rish.
5. Aholining turli xavf guruhlari va kasalliklar turlari uchun mahalliy mahsulotlar asosida sog’lom ovqatlanish bo’yicha tavsiyalar ishlab chiqish.
6. Iste’mol qilinadigan meva va sabzavotlar xilma-xilligini oshirishni qo’llab-quvvatlash.
7. Turli kasalliklar xavfini kamaytirish uchun muntazam tibbiy ko’rikdan o’tish zaruriyati haqida xabardorlikni oshirish.
8. Turli yosh guruhlari uchun to’g’ri ovqatlanish, sog’lomlashtiruvchi mashqlar va gigiyena qoidalarini qoidalarini ishlab chiqish.
9. Sog‘lom turmush tarzi va yugurish madaniyatini targ‘ib qilish maqsadida marafonlar o‘tkazish.
10. Ish joyida jismoniy tarbiya va sog’lom ovqatlanish uchun sharoit yaratish.
11. Supermarketlarda sog’lom mahsulotlarni targ’ib qilish va zararli mahsulotlar ommabopligini cheklang.

Bundan tashqari, to’g’ri ovqatlanishni, oziq-ovqat iste’mol qilishda ingrediyentlarning to’g’ri nisbatini, piyoda yurishning maqsadga muvofiqligi va foydasini, shakar mahsulotlari iste’molini kamaytirishni targ’ib qiluvchi videofilmlar tayyorlash taklif qilindi.

Bolalar va yosh avlod o‘rtasida sog‘lom turmush tarzini targ‘ib etish muhimligi alohida ta’kidlandi. Shu nuqtai nazardan, maktab o‘quvchilari uchun “Sening tanloving” shiori ostida salfetkalar va energetik ichimliklardan foydalanishga qarshi ma’lumotlarni targ‘ib qilish bo‘yicha fikrlar bildirildi.

Tadbir ishtirokchilari ommaviy sport maydonlari hamda velosport, yugurish va piyodalar yo‘laklari infratuzilmasi sifati ustidan jamoatchilik nazoratini joriy etish zarurligi haqidagi taklifga ham rozi bo‘ldi.

Sport jamoalari, mutaxassislar, ijtimoiy faollar, davlat idoralari vakillari sog‘lom turmush tarzini targ‘ib qilish, aholi salomatligini mustahkamlash bo‘yicha yechimlar ishlab chiqishda hamkorlik qilishdan manfaatdor. O‘z navbatida Strategik islohotlar agentligi ham ana shunday tadbirlarni tashkil etishda, jamiyatdan takliflar kiritishda ko‘mak beradi.