Farg‘onada o‘tgan xalqaro forum doirasida O‘zbekiston Strategik islohotlar agentligi direktori Baxodir Raxmatov Qirg‘iz Respublikasi Milliy strategik tashabbuslar instituti direktori o‘rinbosari Nurlan Dardanov bilan uchrashuv o‘tkazdi.
Muloqotda Agentlik va Institut o‘rtasida tajriba almashish muhimligi alohida ta’kidlandi. Strategik rejalashtirish va innovatsion yechimlar sohasidagi hamkorlikdagi ishlar boshqaruv natijadorligini oshirish va islohotlarni samarali tatbiq etishga xizmat qilishi qayd etildi.
Uchrashuv yakunida 2025-2026 yillar uchun amaliy chora-tadbirlar rejasi imzolandi. U davlat boshqaruvida raqamlashtirish jarayonlarini rivojlantirish, xalqaro ekspertlarni jalb qilish bo‘yicha yagona muvofiqlashtiruvchi mexanizm yaratishga ko‘maklashish, qo‘shma forum va konferensiyalar tashkil etish borasidagi hamkorlikni o‘z ichiga oladi.
Uchrashuv o‘zaro ishonch, hurmat va konstruktiv muloqot ruhida o‘tdi.
